ممكن اشرب يدلك قهوة

ممكن اشرب بدلك قهوه



من ‏راني فرح‏ في ‏‏3 سبتمبر، 2012‏، الساعة ‏01:10 صباحاً‏ ·‏
مدخل:

لو راجيه ارجع ليكي يوم

ارجيني لامن تفتري

انا ما بتجرس قلبي بت

انا اصلي في الريد مفتري


نص:

يا الخسرتي الريده البينا

ان شاء الله تكون حققتي مكاسبك

انا اسلوبي الريده الجاده

وما ظنيت اسلوبي بناسبك

ياما وكم من قبلك ردت

وزي الريده الفاتت حاسبك

قولي عفيتلك!!

انا ان كان مشيتلك ذنبي

ربنا بفوق ما حيحاسبك؟


انا كلمتك بالجوايا

وما راجيكي أزوله تردي

استحملت القسوه الكانت

يوم بتريدي وعشره تصدي

كان راجيكي اجيكي استسمح

احسبي خصلات شعرك وعدي

انتي الدرب الجابك ليا

نفس الدرب الممكن يودي


ما تفتكري بانو غرورك

بيك يا زوله بزيدني تعلق

ولا ان كان تاورتي دلالك

في جواي بتذيدي تألق

ولا ان كان عليتي مقامك

تلقي هوايا هوايتو تألق

بطلي ظن في نفسك ساكت

وبطلي شك وغباء وتملق


انا ما حبيتك شان متفرغ

ولا عشان اطفيبك شهوه

اصلو قليبي وكت ما يعشق

بالجد بعشق وبخلص وبهوى

ايوا انا اتعودت عليكي

وبصعب اخد عنك سهوه

بس اليوم البيكي بصدع

ممكن اخد بدلك قهوه


ما تفتكري عشان حبيتك

نفسي عليكي بتنزل دانيه

عزه نفسي العندي تحير

بس لربها تسجد حانيه

قلبي الشالك شال قبالك

لاكي الاولى ولاكي التانيه

وما بين اني افكر انسى

وبين انساكي

مجرد ثانيه