اكلات شعبية للحناكيش خاصة وانا عارف الفاو ما فيها حنكش لاكن للزوار.. والعاملة فيها ست بيت ترفع يدها وتقول بتعرف الاكلات دي...
ام تكشو
تتكون من ورق الخضرة بعد تجفيفها ويضاف لها البصل والزيت واللوبة والشطة ...
ملاح مطيعينة
ويصنع من اللبن وتضاف له الويكة الجافة (اممممم)...
سناكيلو
يتكون من دقيق وسمك جاف
العفوص
عبارة عن سلطة مثل الجرجير ويتكون من اشجار التبلدي وتضاف له الدكوة والبصل
ملاح الكمبو
تحرق سيقان الزرة وبعدما تتحول لرماد يؤخذ الرماد وتضاف له لوبة ولبن..
ملاح الكول دا ما غريب عليكم!!!
عبارة عن اوراق نبات تؤخذ وتخمر ثم بعد ذلك تجفف وبعدها تطحن ثم تضاف لملاح التقلية ودا يطلع حاجة(امممم طق طق)
الانقارا
يتكون من ورق نبات الكركدي والفول السوداني والعطرون والدقيق
ام حليبين
عبارة عن دقيق يخلط باللبن وتصنع منه القراصة...
ملاح التمليكة
نبات ينبت في الخريف تؤخذ اوراقه وتفرك علي نار هادئة وتضاف له لحمة وطماطم
سمرونا
وهي تحلية بعد الوجبات وبتتكون من دقيق سكر سمن ذي البسبوسة بالظبط
بجبجي
عبارة عن مديدة تصنع من لب حب البطيخ
ام دفان
يتكون من دقيق مخلوط باللبن ويدفن تحت النار حتي الاستوا !!
ضواك
عصيدة زرة تضاف اليها دكوة
انا عارف مافي واحد فيكم يقول كدي النجرب اكلة من الاكلات دي لاكن للمعرفة. والعندو بحث يستفيد منها.
ودي صور اكلات فيها المثتحدث والحديث


تحياتي!!!! :

» Definition of salmonella bacteria
» تعريف بكتيريا السلمونيلا
» Enteric feve
» حمى التايفويد
» تحية طيبة
» حير2نا يا ناس البرير
» من قصة المحلق وتاجوج
» هذا هو الاسلام
» ثورة الطين(احمد مطر)
» يلاكم ننم وندوبي
» معا من أجل موسوعة من الامثال السودانية الحديثة والمعاصرة
» عووووووووووووووووووووووك
» الدوبيت السودانى
» امثال شعبية