منتديات اولاد الفاو

منتديات اولاد الفاو ترحب بالضيوف الكرام وتتمنى تمضية وقت ممتع معنا******** من صلى على رسول الله صلى الله عليه و سلم صلاه واحده، صلى الله بها عليه عشرا ********نرحب بجميع ابناء الفاو داخل وخارج السودان



انضم إلى المنتدى ، فالأمر سريع وسهل

منتديات اولاد الفاو

منتديات اولاد الفاو ترحب بالضيوف الكرام وتتمنى تمضية وقت ممتع معنا******** من صلى على رسول الله صلى الله عليه و سلم صلاه واحده، صلى الله بها عليه عشرا ********نرحب بجميع ابناء الفاو داخل وخارج السودان

منتديات اولاد الفاو

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتديات اولاد الفاو

من ارض الفاو نحيكم

مكتبة الصور


اليوم داك يامان  .حكاية شاب. Empty

المواضيع الأخيرة

» همسات دينية ..
اليوم داك يامان  .حكاية شاب. Emptyالثلاثاء مارس 03, 2015 1:12 am من طرف علي البرنس

» Definition of salmonella bacteria
اليوم داك يامان  .حكاية شاب. Emptyالجمعة مارس 14, 2014 12:08 am من طرف أحمدكزمه عين اللويقة

» تعريف بكتيريا السلمونيلا
اليوم داك يامان  .حكاية شاب. Emptyالأربعاء فبراير 26, 2014 7:25 am من طرف ميسره احمد عثمان

» Enteric feve
اليوم داك يامان  .حكاية شاب. Emptyالأربعاء فبراير 26, 2014 7:14 am من طرف ميسره احمد عثمان

» حمى التايفويد
اليوم داك يامان  .حكاية شاب. Emptyالأربعاء فبراير 26, 2014 6:55 am من طرف ميسره احمد عثمان

» تحية طيبة
اليوم داك يامان  .حكاية شاب. Emptyالأحد يناير 19, 2014 2:29 pm من طرف Admin

» حير2نا يا ناس البرير
اليوم داك يامان  .حكاية شاب. Emptyالأربعاء يناير 08, 2014 9:28 am من طرف أحمدكزمه عين اللويقة

» من قصة المحلق وتاجوج
اليوم داك يامان  .حكاية شاب. Emptyالثلاثاء يناير 07, 2014 11:13 pm من طرف أحمدكزمه عين اللويقة

» هذا هو الاسلام
اليوم داك يامان  .حكاية شاب. Emptyالأربعاء ديسمبر 25, 2013 2:36 pm من طرف أحمدكزمه عين اللويقة

» ثورة الطين(احمد مطر)
اليوم داك يامان  .حكاية شاب. Emptyالثلاثاء ديسمبر 24, 2013 5:22 pm من طرف أحمدكزمه عين اللويقة

» يلاكم ننم وندوبي
اليوم داك يامان  .حكاية شاب. Emptyالثلاثاء ديسمبر 24, 2013 3:00 pm من طرف أحمدكزمه عين اللويقة

» معا من أجل موسوعة من الامثال السودانية الحديثة والمعاصرة
اليوم داك يامان  .حكاية شاب. Emptyالثلاثاء ديسمبر 24, 2013 2:27 pm من طرف أحمدكزمه عين اللويقة

» عووووووووووووووووووووووك
اليوم داك يامان  .حكاية شاب. Emptyالثلاثاء ديسمبر 24, 2013 12:47 am من طرف أحمدكزمه عين اللويقة

» الدوبيت السودانى
اليوم داك يامان  .حكاية شاب. Emptyالثلاثاء ديسمبر 24, 2013 12:36 am من طرف أحمدكزمه عين اللويقة

» امثال شعبية
اليوم داك يامان  .حكاية شاب. Emptyالثلاثاء ديسمبر 24, 2013 12:32 am من طرف أحمدكزمه عين اللويقة

المتواجدون الآن ؟

ككل هناك 2 عُضو متصل حالياً :: 0 عضو مُسجل, 0 عُضو مُختفي و 2 زائر

لا أحد


[ مُعاينة اللائحة بأكملها ]


أكبر عدد للأعضاء المتواجدين في هذا المنتدى في نفس الوقت كان 23 بتاريخ الأربعاء أبريل 12, 2023 6:16 pm

احصائيات

أعضاؤنا قدموا 1411 مساهمة في هذا المنتدى في 1101 موضوع

هذا المنتدى يتوفر على 158 عُضو.

آخر عُضو مُسجل هو Alsadg19 فمرحباً به.


    اليوم داك يامان .حكاية شاب.

    ميسره احمد عثمان
    ميسره احمد عثمان
    Admin


    عدد المساهمات : 467
    نقاط : 1367
    السٌّمعَة : 5
    تاريخ التسجيل : 02/02/2011

    اليوم داك يامان  .حكاية شاب. Empty اليوم داك يامان .حكاية شاب.

    مُساهمة من طرف ميسره احمد عثمان الجمعة يونيو 03, 2011 2:57 pm




    اليوم داك يامان كويت ليك هدومى من بدرى , البنطلون ختيتو فى الاوضة المابطلعو سرايرها عشان مايتكرفس طبعا القميص علقتو فى الدولاب بالعلاقة الاشتريتها معاهو , المواعيد دى مهمة ولو ظبطت يامان انت ح تكون خلاص عديت , الصباح ح اتخارج كيف ؟ عايز لى واحد بمشى الخرطوم بدرى كمان تكون عربية شديدة المواعيد دى مابنفع معاها البهدلة , ايوة المقدم خالد .. دة بيمشى لحدى جوازات الخرطوم , بعد داك بواصل بامجاد لحدى المقرن ...
    فى الصباح لبست ليك من بدرى لقيت الحاجة مجهزة الشاى شوية وجات اختى سهير ( الفقرية دى الليلة المصحيها بدرى شنو ) طبعا طوالى دخلت فينى : قول لى يافردة دى منو الماشى تحنكها دى ؟ بتستاهل قومة بدري ولا عاملة زي بتاعة النيل الابيض الجات كملت لينا الغداء ومشت ؟
    يابت اسكتى الولد عندو معاينة مهمة .
    معاينة !!!!! وين يافردة ؟
    فى شركة بترودار ...
    ياولد !! بترودار مرة واحدة ؟ ح تشتغل معاهم شنو ؟
    انت نسيتى انا متخرج اقتصاد وبحث التخرج بتاعى كان عن تاثير البترول فى اقتصاديات الدول النامية ؟
    طيب يافردة امشى عشان بعدين نغني ليك :
    جني بترودار
    ياالولعت النار
    ياالمابتعرف الهظار
    جيد ليا
    ياالفت الكبار والصغار
    جيد ليا

    يابت اسكتى ماتكجينى . .
    قلت ليها انت اصلك مابتفتشى للكلام !! كدى قومى فتشى لي ريحة !
    ريحة !! شايف فى واحدة عقدو عليها هنا ؟ شتت يافردة !
    اتخارجت لقيت ليك جنابو خالد طالع .. اشرت ليهو وقف لى ..
    اليوم ليك على حطى لقيتو سايق جياد بدل البوكس الكان معاهو ركبت ليك وانجعصت ..ازيك يا جنابو .. مبروك العربية .انشاء الله اشتريت ..
    جابوها لينا بالتقسيط
    كويس .. احسن من البوكس .
    غايتو.. على وين ؟
    ( ياربى اكلمو امكن يكون بعرف ليهو واحد هناك ؟ يا عمك سيبو قبل كدة قصدتو فى خدمة وشفر لى )
    ماشى الجامعة فى شهادات بستلمها
    ناس البيت اخبارهم شنو
    تمام مافى عوجة والحمدلله
    معليش ح اغشى زميلتنا هنا وبعدين نمشى
    كنا عدينا محطة القبة... قبل المغالق البعد المقابر لف يمين .. وقف حنب بيت مطرطش بنى ... شوية وطلعت واحدة برتبة ملازم .. طبعا نزلت وركبت ورا..
    خليك مافى مشكلة ..
    لا .. مابتجى ( المابجيبها شنو ... ولله ما عارف .المهم نزلت )
    سلمت وركبت ( الملازم) وقعدو يتكلمو فى امور الشغل ..
    مكسب .. خلينى افكر فى المنتظرنى ..
    ممكن يسالونى عن شنو؟
    ياعمك ما تسبق الحوادث , العلم لسة ما اتبخر يسالو اليسالو
    اتلفت لقيت وصلنا كوبر .. نحن يادوبك وصلنا الطرمبة الفى بداية السفارات والصف واقف هناك ..عييييييييييييك دى كلها عربات ..دة شنو الحظ دة ؟
    ياسلاااااااااااام لو الناس ديل شغلونى , اول حاجة اعملها اشتري ليهم طقم جلوس يختو فى الصالون المبهدل دة بعد داك الحاجة لازمها دولاب مطبخ كمان قالت عاجبها باب ناس عمك مرعى ودايرة ليها واحد شبهو .. يومتها البت الفقرية ( سهير ) قالت ليها بى وين ياحاجة ؟ غايتو كان مستنية اولادك ديل انتى مستنية سراب بقيعة .. يابت بكرة يسوو السمح وتشوفى ..

    اووووووه يا حاجة ..السمح ( غايتو ياحاجة الله يديك العافية ... دايما بتطمنى
    ماحصل قلتى دى مابتبقى او ماممكن كلو عندك عايز صبر وماعارفين الصبر دة اخرو وين ؟ الحاج الله يرحمو كان دايما يقول لى امك اصلا ماغلطت على ...

    البقية تاتى ....





    --------------------------------------------------------------------------------

    --------------------------------------------------------------------------------



    اخيرا وصلنا , نزلنى قدام المبنى , عمارة طويلة عاملين ليها الومنيوم رمادى على ازرق , وقفت وعاينت لى فوق , ياربى انا ح اشتغل هنا ؟ عاينت للبنطلون والقميص , مسحت الجزمة بى منديل ورق , وبقيت داخل , اول حاجة لاقتنى مكتب الامن ( شركة الهدف ) ......
    ايوة ياخينا ..
    دى موش شركة بترودار ؟
    ناس بترودار فى الطابق الفوق داير منو فيهم ؟
    المفروض عندى معاينة ...........
    ايووووووووووة ... اسمك منو ؟
    .........................
    بطاقتك ..
    شال البطاقة وادانى واحدة تانية مكتوب عليها زائر رقم 22 .. .. اطلع فوق بالسلم دة بتلاقى فو وشك مكتب فيهو واحد اسمو ....... امشي ليهو ..طلعت المكتب ..
    مرحب
    انا ............. المفروض عند معاينة الساعة 10 ..
    جايب اوراقك معاك ؟ .............. ايوة ..............
    قلت لى اسمك منو ؟
    ..................
    طيب اقعد .. ضرب تلفون 5 دقايق وقال لى تعال معاى ... مشيت وراهو دخل مكتب دخلت وراهو , ادانى نظرة فهمت منها انو المفروض استنى لحدى ما يقول لى خش ... كان فى تلاتة واحد منهم قال لى اقعد .....
    انت اتخرجت من ياتو جامعة ؟ ( غريبة ماككلف نفسو يشوف الورق القدامو ) ..
    من ................
    صوت لى منو فى انتخابات الاتحاد ؟
    انا كنت سكرتير التحالف من سنة ......... قاطعنى واحد : حافظ كم جزء من القران ؟
    يادوبك جزء عم ...
    طيب استعذ بالله واقرا لينا سورة الانفطار ..
    قريت ايتين ... واحد تانى قاطعنى : رايك شنو فى الترابى ؟
    الترابى مفكر اسلامى معروف و.............
    طيب رايك شنو فى ثورة الانقاذ ؟
    قبل ما اجاوب واحد تانى سال ... انت قلت الجابك لينا منو ؟ استغربت ... انتو موش عاملين اعلانات فى الجرائد وموكلين مكتب ............ انا مشيت ليهم وهم رسلونى هنا ...
    طيب يا ......... انت كاتب تلفونك هنا موش ؟ ايوة .....
    طيب بنضرب ليك ... قربت اقول ليهو ادينى ورقى وماداير شغل (حسيت انو الموضوع مخستك ) ...بس قمت طلعت .. مشيت لى بتاع الامن شلت بطاقتى وطلعت برة ... حسيت بى لفحة السموم بعد الكندشة الكنت فيها ..عاينت يمين
    شمال لقيت نفسى قريب من شارع النيل قلت امشى اشم هوا .. لقيت فى واحد وواحدة قاعدين فى الكنبة , غصبا عنى سمعتو بيقول ليها : بعد نتخرج بشتغل وبعد سنتين بجى بيتكم ...
    بينى وبين نفسى قلت ليهو ..كويس ولله بتشتغل تب ... فجاة لقيت نفسى بضحك بهستيريا لمن صاحبنا لاحظ ...
    فى شنو ياابو الشباب ؟
    ابدا فى واحد رسل لى نكتة فى رسالة اسمعكم ( مااستنيتو ) قال ليك واحد مسطول شاف واحد عندو جرحة فوق عينو قال ليهو : اسمع دى عين ولا غين ؟
    خليتهم بضحكو ومشيت , سمعتو بقول ليها : تلقيهو كان عايز يلفها ...
    اتذكرت قصيدة احمد فؤاد نجم :
    نفسى فى صنف حشيش
    عشان انسى واعيش
    والدماغ ينمل ويدخل فى النحانيش
    عشان انسى المشير والوزير
    وانسى الغش والتزوير
    وانسى البلد المنهوبة
    واللى بيجهزوه عشان يبقى رئيس للمخروبة
    اووووووووووووووووووووووه زمن , طلعت الشارع تانى لقيت بوكس بتاع حكومة وقف لى بت , نطيت طوالى لمن صاحبنا لاحظ وقف وسالنى : على وين يا ابو الشباب ؟
    لحدى كبرى بس ..
    على اى حال انا ماشى كوبر ..
    ظبط ياعمك .. بنزل كوبر
    من هناك ركبت حافلة ومشيت البيت وانا ماشى شفت باب ناس عم مرعى كرهت ليك ولدهم محمد الفى السعودية مع انو فردة ..... جريت سلك الباب ودخلت لقيت الجماعة قاعدين فى الحوش , الزفت سهير اول ما شافتنى شالت باغة الموية الفاضية وقعدت تقول :
    ود بترودار وصل
    البشق النار وصل
    المابعرف الهظار
    جيد ليا
    فرتاق الصقوف العمار وصل
    دخلت ليك فيهم ابشروا ابشروا بالخير تب
    شوية ودخلت الصالون شفت ورق البحث بتاعى الكنت بقرا فيهو امبارح , شفت كراسى الصالون حسيت بانى عايز اصرخ , شلت صور الشهادات على صور البحث رميتها بعيد ..
    امى سمعت الصوت جات داخلة . عرفت انو الموضوع فشل , ختت يده فى كتفى وقالت لى :
    ماتزعل ياولدى بتفرج ..
    شوية ودخلت سهير , طوالى خشت فينى :
    شنو يافردة ؟ ماتقول لى برضو كيزان معفنين ؟

    انتهت




      الوقت/التاريخ الآن هو الخميس مارس 28, 2024 10:51 pm