مسلسل الشرامة الحلقة الاولى
اسماؤهم او القابهم هى : ( شلاضيمو ) و ( ابو السكاسك ) و ( قرضة ) و ( بوكش ) وهو صاحب المنزل فلنستمع الى حديثهم:
قرضة يخاطب فى بوكش صاحب المنزل : شنو يا ( بوكش ) انت ( الجلك ) بتاعك ده ما ( متجارخ ) الليلة والا قاعد لينا ( حقنة ) كدة بس ... عايزين ( نركب الفيل ) ده عشان الواحد يمشى ( الطرب ) ويكون فى ( السلك) .
رد عليه : اصبروا شوية هسى ( بشتت ) .. لكن ( كشكوش ) نجيب بيهو ( الفلم ) ده ماعندنا.!!
رد عليه ابو السكاسك : شنو ( يافردة ) انت ( مامصبن ) ليك اى ( فلة ) ( بالكرباوى ) كده ..؟
رد عليه : وين ( يامان ) انت ( ماناقش ) ( الجلك ) ده ( جلدة ) و ( مقرضها) و ( مابفكها ) بالساهل..
رد عليه قرضة : ياخ خش عليه بــ ( مكنة دقاقة ) كده وخليها ( تقسم فيه ) خليك ( تفتيحة ) وخلى
( حنكك سنين ) معاهو.
رد عليه : انت ماعارف ( الحاج ) ده نهائى ( مابتحنك) .
رد عليه شلاضيمو : ( يافرد ) مافى مشكلة .. انا عندى شوية ( شرتيت ) ورقتين ( عشرة زرقاء ) مش كفاية ؟
رد عليهم ابو السكاسك : تمام كدا الوضع ( استاش بالغدوغدو ) ( وكلو فى محلو).
رد عليهم بوكش : خلاص يللا ( حركونا ) خلونى ( ارحل ) اجيب ( الدوكو ) ( وانبرم ) امشى اكب بنزين ( للحديدة ) دى واغشى ( شمارة ) قبل ماتكمل ( العرقوب).
بوكش اتأخر عليهم...
قام قرضة قال ليهم : ( يافرد ) ( المان ) دا اتأخر كده مالو اوعى يكون ( اتعكش!!) .
رد عليه ابو السكاسك : ( شيلوا الصبر ) يااخوانا ( ماتدبرسوا ) بينا
صاحبنا مشى جاب المعلوم وجاهم ... قالوا ليهو : اتأخرت كده مالك ؟
قال ليهم : لقانى واحد ( براااااى ) ( سلقنى ) ( سلق ) صاح ... ( شادينى ) قريب الساعة وفى النهاية ( معطنى ) ليك ( الفاية ) و ( اتخارج ) ياخ دا ( عارض ) كبير ( كج ) والله ( شميتو ) ( شمة) .
رد عليهم شلاضيمو : يللا ( يافرد ) دايرين القعدة تكون ( السطة ) ويكون ( كل ستة فى حتة) .
بعد ماانبسطوا تمام قاموا ماشين الحفلة ... صاحبنا ( بوكش ) مشى لبس ( الجزمة ) الاشتراها جديدة وجاهم...
قال ليهو قرضة : شنو ( الخيانات ) دى ( ياعمك ) ... من وين اشتريت ( الشلوت ) ( الفاهم ) دا ؟ .. لكن والله ( عفن ) عديييييييل كده..
رد عليه بوكش : من ( سوق الاخوان ) ... سيدو ( شطح ) لى فى البداية ومسك لى فوق لكنى
( فطستو ) ليهو ( وجازفتو ) منو فى النهاية بخمسين ( حبة ) قايلنى ( دقوس ) لكن لقانى ( ود سوق ) ( وتفتيحة ) ( ومقرم).
المهم بعد ماركبوا العربية وهم فى طريقهم الى الحفلة سألهم ابو السكاسك : اسمعوا ( يافرد)
انتو ( القون ) الجايبنو فى ( البهجة ) دى الليلة منو ؟
رد عليه شلاضيمو : انا ( الشمار ) الجانى انو ( ود اللمين ) حيغنى فى البداية و ( فاطمة جمكو ) فى النهاية ... يللا ( انهر الحديدة ) يابوكش خلينا نحصل بسرعة بس ( اكتل الملف ) القدامك ده براحة ماتقوم ( تلحسنا)
رد عليه ابو السكاسك : ياخ ود اللمين ( بتاع حنانك ) انت ( وهم ) ... نحنا نمشى ( نتكل ) برا فى الاول ( نرطب شوية ) ولمن ( فاطمة جمكو ) تبدأ تغنى ( ننبرم ) نخش...
وصلوا الحفلة ووقفوا بالعربية جوار الخيمة ... قال ليهم قرضة:
( الجكس ) لكن ( ما شرط للارض).
رد عليه بوكش : كدى ( اتضاير ) كده خلينا ( نكشف ) معاك ... انتوا ( ناقشين ) انو ( الاسكيسة ) بتاعتى جاية الليلة ..؟ كدى مافى واحد فيكم ( باقيها ) ..؟
رد عليه شلاضيمو : ياخ ( حاجتك ) ( قصر الشوق ) دى .. والله انا ماعارف انت العاجبك فيها شنو؟..
اول حاجة ( مشطبة ) و ( قادة عربى ) ووشها ( كبك ) بس..
وبعد دة كلو ( فاكاها ) فى روحها وعاملة فيها ( نانسى عجرم) ...
والله الزولة دى التقول عاملة ليك ( كادوك).
رد عليه بوكش : ياخ انا عاجبانى ( مكسرانى ) ( مدشدشانى ) .. انت مالك ( حارقك وين ) ؟....
خلاص يعنى عاجبنى ( الدفار ) بتاعك داك بالله البت لاتعرفها ماشة لا جاية وكمان عاملة عيونها الحمر ديك التقول ( لافاها بى خمسة كروت) ...
رد عليهم ابو السكاسك : يااخوانا عليكم الله ( ماتقفلوها معانا ) ... خلونا من ( النقة ) الفارغة بتاعتكم دى ... انتوا مالكم بقيتوا ( معاطين ) كدا ؟...
كدى هسى ( كشفوا ) معاى ( للدامة ) ( الخاشة ) فى الفستان الاحمر ( المجككة ) جنب ( الجلكينة ) الفى الركن دييك الواقف جنبها الولد ( السحسوح ) داك..!!
ياخ دى ( قنبلة ) لكن ... والله ( شديدة لمن غلط).
رد عليه بوكش : لاحول لله دى ( نقتها ) كيف ؟ .. لكن مازى ( الضماير واللبن الفاير) ...
رد عليهم قرضة : يا اخوانا نحنا ( هوينا ) خشاكم جوة عشان مايبقى شكلنا هنا ( دبايب ) ... خلونا نخش ( نعضى ) نشوف لينا ( عشمانة كاربة ) فى الاول وبعد داك نشوف ( الكنتة ) شنو...
ونشوف ( الفهم ) شنو..!!
دخلوا وقعدوا واتعشوا .... قام قال ليهم بوكش : شنو يا خوانا ما ( اندفسنا ) خلاص مانقوم ( نهجج) بعد دا ؟...
قوموا ( نربها ) ( ونفتوا فت صاح ) ... اتنوا ماسامعين بتاع الجيتار دا ( مجضم ) ( سجمى القرد ) دى كيف ؟! ... ياخ دا ( معلم ) عدييييييل كدة ( مكفت) مزيكا صاح...
رد عليه شلاضيمو : ( يافردة ) كدى ( كشف ) معاى كويس بتاع الجيتار دا مش ( المان ) ( الاتكافتنا ) معاه فى ( الهجمة ) الفاتت ؟! ...
رد عليه بوكش : اى والله لكن المرة الفاتت كان عامل لينا فيها ( ود فجتة ) و ( مقطعها ) ومعاه شوية ( شفاتة ) كده وعملوا فيها ( هرشونا ) لكن الليلة ( حنطلع...) .
رد عليه ابو السكاسك بهدوء لانه كان ( منعنش ) للاخر : يااخوانا ( روقوا المنقة ) شوية ... انتوا جايين ( ضهب ) وكمان عايزين تشاكلوا ؟؟!! ... ياخ ( جلو ) بتاع الجيتار دا هسى وخلونا فى ( الجكس ) ( البهول ) ا
لم يلتفت بوكش الى كلام ابو السكاسك وعلى حسب ( الفى راسو ) قام جارى على بتاع الجيتار...!!
وقف قرضة على حيلو وقال : يااخوانا الزول دا ( مفحط ) وين ؟!
وقبل ان يكمل صاحبنا حديثه كان بوكش وبتاع الجيتار فى عراك مع بعض وتوقفت الحفلة وامسكوا بهم جميعاً واوسعوهم ضرباً مبرحاً حتى سالت دمائهم...
ونقلوا الى المستشفى وفى المستشفى سألهم الطبيب : انتو مالكم ؟
فردوا عليه بصوت واحد : نحنا ( فارات ) ( دقوسات ) ( وهم ) ... قايلين نفسنا ( تفاتيح)
لكن طلعنا كــدا : (علامة الابهام لاسفل
اسماؤهم او القابهم هى : ( شلاضيمو ) و ( ابو السكاسك ) و ( قرضة ) و ( بوكش ) وهو صاحب المنزل فلنستمع الى حديثهم:
قرضة يخاطب فى بوكش صاحب المنزل : شنو يا ( بوكش ) انت ( الجلك ) بتاعك ده ما ( متجارخ ) الليلة والا قاعد لينا ( حقنة ) كدة بس ... عايزين ( نركب الفيل ) ده عشان الواحد يمشى ( الطرب ) ويكون فى ( السلك) .
رد عليه : اصبروا شوية هسى ( بشتت ) .. لكن ( كشكوش ) نجيب بيهو ( الفلم ) ده ماعندنا.!!
رد عليه ابو السكاسك : شنو ( يافردة ) انت ( مامصبن ) ليك اى ( فلة ) ( بالكرباوى ) كده ..؟
رد عليه : وين ( يامان ) انت ( ماناقش ) ( الجلك ) ده ( جلدة ) و ( مقرضها) و ( مابفكها ) بالساهل..
رد عليه قرضة : ياخ خش عليه بــ ( مكنة دقاقة ) كده وخليها ( تقسم فيه ) خليك ( تفتيحة ) وخلى
( حنكك سنين ) معاهو.
رد عليه : انت ماعارف ( الحاج ) ده نهائى ( مابتحنك) .
رد عليه شلاضيمو : ( يافرد ) مافى مشكلة .. انا عندى شوية ( شرتيت ) ورقتين ( عشرة زرقاء ) مش كفاية ؟
رد عليهم ابو السكاسك : تمام كدا الوضع ( استاش بالغدوغدو ) ( وكلو فى محلو).
رد عليهم بوكش : خلاص يللا ( حركونا ) خلونى ( ارحل ) اجيب ( الدوكو ) ( وانبرم ) امشى اكب بنزين ( للحديدة ) دى واغشى ( شمارة ) قبل ماتكمل ( العرقوب).
بوكش اتأخر عليهم...
قام قرضة قال ليهم : ( يافرد ) ( المان ) دا اتأخر كده مالو اوعى يكون ( اتعكش!!) .
رد عليه ابو السكاسك : ( شيلوا الصبر ) يااخوانا ( ماتدبرسوا ) بينا
صاحبنا مشى جاب المعلوم وجاهم ... قالوا ليهو : اتأخرت كده مالك ؟
قال ليهم : لقانى واحد ( براااااى ) ( سلقنى ) ( سلق ) صاح ... ( شادينى ) قريب الساعة وفى النهاية ( معطنى ) ليك ( الفاية ) و ( اتخارج ) ياخ دا ( عارض ) كبير ( كج ) والله ( شميتو ) ( شمة) .
رد عليهم شلاضيمو : يللا ( يافرد ) دايرين القعدة تكون ( السطة ) ويكون ( كل ستة فى حتة) .
بعد ماانبسطوا تمام قاموا ماشين الحفلة ... صاحبنا ( بوكش ) مشى لبس ( الجزمة ) الاشتراها جديدة وجاهم...
قال ليهو قرضة : شنو ( الخيانات ) دى ( ياعمك ) ... من وين اشتريت ( الشلوت ) ( الفاهم ) دا ؟ .. لكن والله ( عفن ) عديييييييل كده..
رد عليه بوكش : من ( سوق الاخوان ) ... سيدو ( شطح ) لى فى البداية ومسك لى فوق لكنى
( فطستو ) ليهو ( وجازفتو ) منو فى النهاية بخمسين ( حبة ) قايلنى ( دقوس ) لكن لقانى ( ود سوق ) ( وتفتيحة ) ( ومقرم).
المهم بعد ماركبوا العربية وهم فى طريقهم الى الحفلة سألهم ابو السكاسك : اسمعوا ( يافرد)
انتو ( القون ) الجايبنو فى ( البهجة ) دى الليلة منو ؟
رد عليه شلاضيمو : انا ( الشمار ) الجانى انو ( ود اللمين ) حيغنى فى البداية و ( فاطمة جمكو ) فى النهاية ... يللا ( انهر الحديدة ) يابوكش خلينا نحصل بسرعة بس ( اكتل الملف ) القدامك ده براحة ماتقوم ( تلحسنا)
رد عليه ابو السكاسك : ياخ ود اللمين ( بتاع حنانك ) انت ( وهم ) ... نحنا نمشى ( نتكل ) برا فى الاول ( نرطب شوية ) ولمن ( فاطمة جمكو ) تبدأ تغنى ( ننبرم ) نخش...
وصلوا الحفلة ووقفوا بالعربية جوار الخيمة ... قال ليهم قرضة:
( الجكس ) لكن ( ما شرط للارض).
رد عليه بوكش : كدى ( اتضاير ) كده خلينا ( نكشف ) معاك ... انتوا ( ناقشين ) انو ( الاسكيسة ) بتاعتى جاية الليلة ..؟ كدى مافى واحد فيكم ( باقيها ) ..؟
رد عليه شلاضيمو : ياخ ( حاجتك ) ( قصر الشوق ) دى .. والله انا ماعارف انت العاجبك فيها شنو؟..
اول حاجة ( مشطبة ) و ( قادة عربى ) ووشها ( كبك ) بس..
وبعد دة كلو ( فاكاها ) فى روحها وعاملة فيها ( نانسى عجرم) ...
والله الزولة دى التقول عاملة ليك ( كادوك).
رد عليه بوكش : ياخ انا عاجبانى ( مكسرانى ) ( مدشدشانى ) .. انت مالك ( حارقك وين ) ؟....
خلاص يعنى عاجبنى ( الدفار ) بتاعك داك بالله البت لاتعرفها ماشة لا جاية وكمان عاملة عيونها الحمر ديك التقول ( لافاها بى خمسة كروت) ...
رد عليهم ابو السكاسك : يااخوانا عليكم الله ( ماتقفلوها معانا ) ... خلونا من ( النقة ) الفارغة بتاعتكم دى ... انتوا مالكم بقيتوا ( معاطين ) كدا ؟...
كدى هسى ( كشفوا ) معاى ( للدامة ) ( الخاشة ) فى الفستان الاحمر ( المجككة ) جنب ( الجلكينة ) الفى الركن دييك الواقف جنبها الولد ( السحسوح ) داك..!!
ياخ دى ( قنبلة ) لكن ... والله ( شديدة لمن غلط).
رد عليه بوكش : لاحول لله دى ( نقتها ) كيف ؟ .. لكن مازى ( الضماير واللبن الفاير) ...
رد عليهم قرضة : يا اخوانا نحنا ( هوينا ) خشاكم جوة عشان مايبقى شكلنا هنا ( دبايب ) ... خلونا نخش ( نعضى ) نشوف لينا ( عشمانة كاربة ) فى الاول وبعد داك نشوف ( الكنتة ) شنو...
ونشوف ( الفهم ) شنو..!!
دخلوا وقعدوا واتعشوا .... قام قال ليهم بوكش : شنو يا خوانا ما ( اندفسنا ) خلاص مانقوم ( نهجج) بعد دا ؟...
قوموا ( نربها ) ( ونفتوا فت صاح ) ... اتنوا ماسامعين بتاع الجيتار دا ( مجضم ) ( سجمى القرد ) دى كيف ؟! ... ياخ دا ( معلم ) عدييييييل كدة ( مكفت) مزيكا صاح...
رد عليه شلاضيمو : ( يافردة ) كدى ( كشف ) معاى كويس بتاع الجيتار دا مش ( المان ) ( الاتكافتنا ) معاه فى ( الهجمة ) الفاتت ؟! ...
رد عليه بوكش : اى والله لكن المرة الفاتت كان عامل لينا فيها ( ود فجتة ) و ( مقطعها ) ومعاه شوية ( شفاتة ) كده وعملوا فيها ( هرشونا ) لكن الليلة ( حنطلع...) .
رد عليه ابو السكاسك بهدوء لانه كان ( منعنش ) للاخر : يااخوانا ( روقوا المنقة ) شوية ... انتوا جايين ( ضهب ) وكمان عايزين تشاكلوا ؟؟!! ... ياخ ( جلو ) بتاع الجيتار دا هسى وخلونا فى ( الجكس ) ( البهول ) ا
لم يلتفت بوكش الى كلام ابو السكاسك وعلى حسب ( الفى راسو ) قام جارى على بتاع الجيتار...!!
وقف قرضة على حيلو وقال : يااخوانا الزول دا ( مفحط ) وين ؟!
وقبل ان يكمل صاحبنا حديثه كان بوكش وبتاع الجيتار فى عراك مع بعض وتوقفت الحفلة وامسكوا بهم جميعاً واوسعوهم ضرباً مبرحاً حتى سالت دمائهم...
ونقلوا الى المستشفى وفى المستشفى سألهم الطبيب : انتو مالكم ؟
فردوا عليه بصوت واحد : نحنا ( فارات ) ( دقوسات ) ( وهم ) ... قايلين نفسنا ( تفاتيح)
لكن طلعنا كــدا : (علامة الابهام لاسفل
» Definition of salmonella bacteria
» تعريف بكتيريا السلمونيلا
» Enteric feve
» حمى التايفويد
» تحية طيبة
» حير2نا يا ناس البرير
» من قصة المحلق وتاجوج
» هذا هو الاسلام
» ثورة الطين(احمد مطر)
» يلاكم ننم وندوبي
» معا من أجل موسوعة من الامثال السودانية الحديثة والمعاصرة
» عووووووووووووووووووووووك
» الدوبيت السودانى
» امثال شعبية